അനന്തായൂർ: അപർണ കെ പി യുടെ ആദ്യ കവിതാ സമാഹാരം ‘സ്വപ്നാടനം ‘ കോഴിക്കോട് സാമൂതിരി ഗുരുവായൂരപ്പൻ കോളേജിൽ വെച്ച് ശ്രിമതി ആതിര മുരളീധരന് പുസ്തകം നൽകി ഡോ: ശ്രീശൈലം ഉണ്ണികൃഷ്ണൻ പ്രകാശനം നിർവ്വഹിച്ചു. ചടങ്ങിന് ഡോ: ആര്യ ഗോപി, അശ്വിൻ വിജയൻ തുടങ്ങിയവർ ആശംസകൾ അറിയിച്ച് സംസാരിച്ചു. ഗ്രന്ഥകർത്താവ് അപർണ കെ പി ചടങ്ങിന് നന്ദി പറഞ്ഞു. ഐ ബുക്സ് കേരള പബ്ലിക്കേഷനാണ് സ്വപ്നാടനം പുറത്തിറക്കിയത്. ഒരു കോപ്പിക്ക് നൂറ് രൂപയാണ് വില. വാഴക്കാട് അനന്തായൂർ സ്വദേശിയായ തെക്കുങ്ങര ഗോപിനാഥൻ നായരുടെയും, ജയശ്രിയുടെയും മകളാണ് അപർണ കെ പി നിലവിൽ കോഴിക്കോട് ഗുരുവായൂരപ്പൻ കോളേജിൽ ഇംഗ്ലീഷ് സാഹിത്യത്തിൽ ബിരുദാനന്തര ബിരുദത്തിന് പഠിക്കുകയാണ്.
