പുളിക്കൽ : ജനുവരി 15 പാലിയേറ്റീവ് ദിന ഫണ്ട് ശേഖരണത്തിൽ പങ്കാളികളായി പുളിക്കൽ എ എം എം ഹൈസ്ക്കൂളിലെ ജെ.ആർ.സി കാഡറ്റുകൾ കിടപ്പിലായ രോഗികളുടെ സാന്ത്വന പരിചരണം ഓരോ മനുഷ്യരുടെയും കടമയാണ് . കിടപ്പിലായ മാറാരോഗികളുടെ ശേഷിക്കുന്ന ദിനങ്ങൾ വേദനാരഹിതവും അന്തസുറ്റതുമാക്കുന്നത് ഓരോരുത്തരുടെയും കടമയും ഉത്തരവാദിത്വവുമാണ് എന്ന തിരിച്ചറിവിൽ നിന്ന് പുളിക്കൽ പെയിൻ ആൻഡ് പാലിയേറ്റീവ് കെ യറിലെ രോഗികൾക്ക് വേണ്ടിയാണ് പുളിക്കൽ എ എം എം ഹൈസ്ക്കൂൾ ജെ.ആർ.സി കാഡറ്റുകൾ നേതൃത്വത്തിൽ പാലീയേറ്റിവ് ഡേ കലക്ഷൻ നടത്തിയത്. പിരിച്ചെടുത്ത തുക പുളിക്കൽ പാലിയേറ്റീവ് ഭാരവാഹികൾക്ക് കൈമാറുന്നതിന് വേണ്ടി പ്രധാന അധ്യാപിക ഷിജ പി, യു.പി സീനിയർ അധ്യാപിക കെ ഖമറുന്നീസ എന്നിവർ ഏറ്റുവാങ്ങി.
