എടവണ്ണപ്പാറ: കമ്മ്യൂണിസ്റ്റ് പാർട്ടി ഓഫ് ഇന്ത്യ മാർക്സിസ്റ്റ് ഇരുപത്തിനാലാം പാർട്ടി കോൺഗ്രസിന്റെ ഭാഗമായിട്ടുള്ള സിപിഐഎം കൊണ്ടോട്ടി ഏരിയ സമ്മേളനത്തിന്റെ പൊതുസമ്മേളനം സഖാക്കൾ സീതാറാം യെച്ചൂരി കോടിയേരി ബാലകൃഷ്ണൻ നഗറിൽ ഡോക്ടർ കെ ടി ജലീൽ MLA ഉദ്ഘാടനം ചെയ്തു. ഡോക്ടർ സരിൻ മുഖ്യപ്രഭാഷണം നിർവഹിച്ചു.
രണ്ട് ദിവസങ്ങളിലായി നടന്ന സമ്മേളനം വിവിധ കാര്യങ്ങളെ ഇഴകീറി പരിശോധിച്ച് വിമർശനങ്ങളും സ്വയം വിമർശനങ്ങളും നടത്തി സമ്മേളനം സഖാവ് പി കെ മോഹൻദാസിനെ സെക്രട്ടറിയായി തെരഞ്ഞെടുത്തു. പണിക്കരപുറായിൽ നിന്ന് ആരംഭിച്ച റെഡ് വളണ്ടിയർ മാർച്ചോടുകൂടി ആരംഭിച്ച ആയിരങ്ങൾ അണിനിരന്ന ജാഥ പൊതുസമ്മേളന നഗറിൽ സമാപിച്ചു.
സിപിഐഎം കൊണ്ടോട്ടി ഏരിയ സമ്മേളന ലോഗോ ഡിസൈൻ ചെയ്ത അനൂപ് ശങ്കർ പൊതുപ്രവർത്തകൻ അൽ ജമാൽ നാസർ സമ്മേളന പ്രചരണ അനുബന്ധ പരിപാടി ആയിട്ടുള്ള ഫുട്ബോൾ ടൂർണ്ണമെൻറ് വിജയിച്ച നെടിയിരിപ്പ് ലോക്കൽ കമ്മിറ്റിയെയും ഏരിയാ സമ്മേളന പോസ്റ്റർ ഡിസൈൻ ചെയ്ത എ പി സദാനന്ദനെയും ആദരിച്ചു സമ്മേളനം ആദരിച്ചു.
പി കെ മോഹൻദാസ് അധ്യക്ഷ വഹിച്ച സമ്മേളനത്തിൽ വി രാജഗോപാലൻ മാസ്റ്റർ സ്വാഗതം പറഞ്ഞു. സി ഭാസ്കരൻ മാസ്റ്റർ നന്ദി പ്രകാശിപ്പിച്ചു.
