ആധാർ കാർഡ് ഇപ്പോൾ രാജ്യത്തെ പൗരന്മാർക്കായി ഒരു നിർബന്ധമായ തിരിച്ചറിയൽ രേഖയായി മാറിയിരിക്കുകയാണ്. കേന്ദ്ര സർക്കാരിന്റെ കീഴിലുള്ള യുനിക് ഐഡൻറിഫിക്കേഷൻ അതോറിറ്റി ഓഫ് ഇന്ത്യ (UIDAI) പ്രദാനം ചെയ്യുന്ന ഈ തിരിച്ചറിയൽ കാർഡിലെ വിവരങ്ങൾ പത്ത് വർഷം കൂടുമ്പോൾ അപ്ഡേറ്റ് ചെയ്യണമെന്ന നിർദ്ദേശം സർക്കാർ പുനഃസ്ഥാപിച്ചിട്ടുണ്ട്.
UIDAI പൗരന്മാരോട് അവരുടെ ആധാർ വിവരങ്ങൾ കൃത്യമായ ഇടവേളകളിൽ അപ്ഡേറ്റ് ചെയ്യാൻ ആവശ്യപ്പെടുകയാണ്. ഈ സമയപരിധി പല തവണ നീട്ടിയതിന്റെ ശേഷമാണ് സെപ്റ്റംബർ 14, 2024-നകം ആധാർ വിവരങ്ങൾ പുതുക്കണമെന്ന് നിർദ്ദേശം നൽകിയിരിക്കുന്നത്. ഇനിയും കാലാവധി നീട്ടുമോയെന്ന് UIDAI ഇതുവരെ വ്യക്തമാക്കിയിട്ടില്ല.
10 വർഷം മുമ്പ് ആധാർ വിവരങ്ങൾ അപ്ഡേറ്റ് ചെയ്തവർക്ക്, സെപ്റ്റംബർ 14-നകം 50 രൂപ ഫീസ് അടയ്ക്കാതെ വിവരങ്ങൾ അപ്ഡേറ്റ് ചെയ്യാനുള്ള അവസരം ലഭ്യമാകും.
ഓൺലൈൻ അപ്ഡേറ്റ് ചെയ്യേണ്ടത് എങ്ങനെ?
വെബ്സൈറ്റ് സന്ദർശിക്കുക: myaadhaar.uidai.gov.in എന്ന വെബ്സൈറ്റ് സന്ദർശിക്കുക.
ലോഗിൻ ചെയ്യുക: ആധാർ നമ്പർ (12 അക്ക) നൽകുക. ആധാർ-ലിങ്ക് ചെയ്ത മൊബൈൽ നമ്പറിൽ ലഭിക്കുന്ന OTP നൽകി ലോഗിൻ ചെയ്യുക.
വിവരങ്ങൾ പരിശോധിക്കുക: പേജിൽ പ്രദർശിപ്പിക്കുന്ന വിവരങ്ങൾ ശരിയാണോ എന്ന് പരിശോധിക്കുക.
വിവരങ്ങൾ അപ്ഡേറ്റ് ചെയ്യുക: വിലാസം പോലുള്ള വിവരങ്ങൾ മാറ്റേണ്ടതുണ്ടെങ്കിൽ അതിന്റെ രേഖകൾ അപ്ലോഡ് ചെയ്യുക.
സർവീസ് റിക്വസ്റ്റ് നമ്പർ: സമർപ്പിച്ചതിന് ശേഷം ലഭിക്കുന്ന സർവീസ് റിക്വസ്റ്റ് നമ്പർ ഭാവിയിൽ ഉപയോഗത്തിനായി സൂക്ഷിക്കുക.
അപ്ലോഡ് ചെയ്യേണ്ട ഫയലുകൾ JPEG, PNG, PDF ഫോർമാറ്റിൽ ആയിരിക്കണം, കൂടാതെ വലിപ്പം 2 മെഗാബൈറ്റിൽ താഴെയായിരിക്കണം.
മറ്റു വിവരങ്ങൾ പരിഷ്കരിക്കാൻ: ബയോമെട്രിക് വിവരങ്ങൾ, പേര്, ഫോട്ടോ, മൊബൈൽ നമ്പർ എന്നിവ മാറ്റേണ്ടതുണ്ടെങ്കിൽ, UIDAI സേവന കേന്ദ്രം (അക്ഷയ കേന്ദ്രം) സന്ദർശിക്കുക.