കൊണ്ടോട്ടി സബ്ജില്ല സുബ്രതോ കപ്പ് ഫുട്ബോൾ ടൂർണമെൻറ് ജിഎച്ച്എസ്എസ് വാഴക്കാട് ചാമ്പ്യന്മാർ

കൊണ്ടോട്ടി സബ്ജില്ല സുബ്രതോ കപ്പ് ഫുട്ബോൾ (Under-15 വിഭാഗം) ടൂർണമെന്റിൽ വാഴക്കാട് ഗവൺമെൻറ് ഹയർ സെക്കൻഡറി സ്കൂൾ ടീം ചാമ്പ്യന്മാരായി. രാമനാട്ടുകര ആർഎച്ച്എസ്എസ് ഗ്രൗണ്ടിൽ വച്ച് നടന്ന 27 സ്കൂളുകൾ മാറ്റുരച്ച ടൂർണമെന്റിൽ ഫൈനൽ മത്സരത്തിൽ ഏകപക്ഷീയമായ ഒരു ഗോളിന് ഇ എം ഇ എ ഹയർ സെക്കൻഡറി സ്കൂൾ കൊണ്ടോട്ടിയെയാണ് പരാജയപ്പെടുത്തിയത്. ജിഎച്ച്എസ്എസ് തടത്തിൽ പറമ്പ്,സി എച്ച് എം എച്ച് എസ് വാഴക്കാട്, ജിഎച്ച്എസ്എസ് കൊട്ടപ്പുറം, എ എം എം എച്ച് എസ് പുളിക്കൽ എന്നീ ടീമുകളെ പരാജയപ്പെടുത്തിയാണ് ടീം ഫൈനലിൽ പ്രവേശിച്ചത്. മലപ്പുറം റവന്യൂ ജില്ലാ സുബ്രതോ കപ്പ് ഫുട്ബോൾ ടൂർണമെന്റിൽ കൊണ്ടോട്ടി സബ് ജില്ലയെ പ്രതിനിധീകരിച്ച് വാഴക്കാട് ഗവർമെൻറ് ഹയർ സെക്കൻഡറി സ്കൂൾ ടീം പങ്കെടുക്കും