പ്രധാനമന്ത്രിയുടെ ഉപദേശക സമിതി പുറത്തുവിട്ട ഇന്ത്യയിലെ 1990-2015 കാലഘട്ടം വരെയുള്ള ജനസംഖ്യ കണക്ക് വലിയ വിവാദങ്ങളാണ് സൃഷ്ടിച്ചത്. കോൺഗ്രസ് ഭരണ കാലത്ത് രാജ്യത്ത് ഹിന്ദുക്കൾ കുറഞ്ഞെന്നും തുടർന്ന് വന്ന മോദി ഭരണത്തിൽ മാത്രമാണ് ഹിന്ദുക്കൾക്ക് രക്ഷയെന്നും കാണിക്കുന്ന സർവേയായിരുന്നു പുറത്തുവിട്ടത്. ഇത് വലിയ ചർച്ചകൾക്കാണ് വഴിവെച്ചത്. വർഗീയ പരാമർശങ്ങൾക്ക് പുറമെ തെരഞ്ഞെടുപ്പിൽ ഹിന്ദു വോട്ടുകൾ നേടാനുള്ള മോദിയുടെ മറ്റൊരു തന്ത്രമായിരുന്നു ഈ റിപ്പോർട്ട്.
ഇതേ വർഗീയത ഏറ്റു പിടിച്ചുകൊണ്ടാണ് ഇപ്പോൾ ഏഷ്യാനെറ്റിന്റെ സുവർണ്ണ ന്യൂസും രംഗത്തെത്തിയിരിക്കുന്നത്. ഈ വാർത്ത ബ്രേക്കിംഗ് ആയി നൽകിയ സുവർണ്ണ ചാനൽ ഇന്ത്യയിലെ മുസ്‌ലിം ജനസംഖ്യ കണക്കുകള്‍ കാണിക്കുമ്പോള്‍ പാകിസ്ഥാൻ പതാകയും ഹിന്ദു ജനസംഖ്യ കണക്കുകള്‍ കാണിച്ചപ്പോള്‍ ഇന്ത്യന്‍ പതാകയുമാണ് കാണിച്ചത്. ചാനലിന്റെ സംഘപരിവാർ ബിജെപി വിധേയത്വമാണ് ഇതിലൂടെ വ്യക്തമായതെന്ന് സമൂഹ മാധ്യമങ്ങളും മറ്റും വിമർശിച്ചു.
അതേസമയം, നോതാക്കളുടെ മതവിദ്വേഷ പരാമര്‍ശങ്ങള്‍ക്ക് പുറമേ കേന്ദ്രസര്‍ക്കാര്‍ സംവിധാനങ്ങളെയും വർഗീയ പ്രചാരണത്തിനായി ഉപയോഗിക്കുന്നത്തിന്റെ ഏറ്റവും വലിയ ഉദാഹരണമാണ് ഈ റിപ്പോർട്ട്. സീ ന്യൂസ് അടക്കമുള്ള ഗോദി മീഡിയകൾ നയം മാറ്റിയ സാഹചര്യത്തിലായിരിക്കാം വർഗീയത ആളിക്കത്തിക്കുന്ന ഹിന്ദു വികാരം ഉണർത്തുന്ന തരത്തിലുള്ള റിപ്പോർട്ട് സർക്കാർ സംവിധാനം തന്നെ പുറത്തുവിട്ടത്.
