കേരള സർക്കാർ കിഫ്ബി പദ്ധതിയിലൂടെ നിർമിച്ച തടത്തിൽ പറമ്പ ഗവ: ഹൈസ്കൂൾ കെട്ടിടം ഉദ്ഘാടനം ചെയ്തു

ഒളവട്ടൂർ -കേരള സർക്കാർ കിഫ്ബി പദ്ധതിയിലൂടെ വിദ്യാ കിരണം നേതൃത്വത്തിൽ നടപ്പാക്കി ഒരു കോടി ചെലവഴിച്ച് നിർമ്മിച്ച കെട്ടിടത്തിന്റെ ഉദ്ഘാടനം ടി.വി ഇബ്രാഹിം എം എൽ എ നിർവ്വഹിച്ചു.
പിടി എ പ്രസിഡണ്ട് ടി ആലി ഹാജി അധ്യക്ഷനായിരുന്നു.
മലപ്പുറം ജില്ലാ വിദ്യാഭ്യാസ ഡെപ്യൂട്ടി ഡയറക്ടർ കെ.പി.രമേഷ് കുമാർ പദ്ധതി വിശദീകരണം നടത്തി. ജില്ലാ പഞ്ചായത്ത് മെമ്പർ സുഭദ്ര ശിവദാസൻ, വാർഡ് മെമ്പർ അൻവർ സാദത്ത്, വിദ്യാകിരണം ജില്ലാ കോ- ഓർഡിനേറ്റർ എം മണി, സമഗ്ര ശിക്ഷ കേരള ബ്ലോക്ക്പ്രോജക്ട് കോ – ഓർഡിനേറ്റർ ഡോ.സുധീരൻ ചീരക്കൊട, കെ.പി ശ്രീധരൻ, സി എം കുഞ്ഞി മുഹമ്മദ്, എം. കാർത്തികേയൻ, രാധാകൃഷ്ണൻ തുടങ്ങിയവർ ആശംസകൾ നേർന്നു. പ്രിൻസിപ്പാൾ ഡോ.എ.ജെ. സജീന സ്വാഗതവും പ്രധാനാധ്യാപകൾ സി.ബാബു നന്ദിയും പ്രകാശിപ്പിച്ചു.